Një ngjarje e rëndë tronditi opinionin publik mbrëmjen e djeshme kur u raportua se në Tapizë të Krujës, një 42-vjeçare, pasi solli në jetë foshnjën në banesë, e futi në qese dhe e hodhi në lumë.
Dyshohet se ka qenë vajza e madhe e gruas që ka marrë qesen me foshnjën dhe e ka hedhur në lumin e Tapizës. Raportohet se ajo ka qenë në banesë kur nëna ka sjellë në jetë fëmijën. Megjithatë vajza ka deklaruar se nuk ka qenë në dijeni se çfarë kishte brenda qeses, duke u shprehur se e ka lënë tek koshat pranë lumit.
Dyshohet se në shtëpi kanë qenë edhe pjesëtarë të familjes. Këta të fundit kanë dhënë deklarata kontrandiktore dhe nuk janë treguar bashkëpunues me hetuesit.
Foshnja ndodhet në morgun e spitalin, ndërsa 42-vjeçarja Leta Koçi, ndodhet në gjendje të rënduar psikologjike dhe shëndetësore.
