Këngëtari Luiz Ejlli ka postuar disa fotografi gjatë natës së mbrëshme, ku ishte si i ftuar special në spektaklin e “Big Brother Vip 3”.
Përveç se prezantoi këngën e re, ai u fut edhe në rolin e opinionisti, teksa në reagimin e tij ka një mesazh për fansat që e komentuan si mendjemadh.
“Faleminderit të gjithëve për dashamirësinë dhe pritjen e ngrohtë, gjithashtu i kërkoj ndjesë atyre që dukem “mendjemadh” thjesht po them këndvështrimin tim. Tek e fundit, nuk jam opinionist por thjesht një ish banor.”- shkruan Luiz Ejlli.
Gjatë Prime-it të djeshëm Luiz Ejlli ka komentuar se si është të jesh në rolin e opinionistit, duke e krahasuar me edicionin e vjetshëm. Ai tha se Arbri i ka thënë që është një pozicion i vështirë, por këngëtari nga ana tjetër nuk la pa përmendur edhe Zhaklin Lekatarin ku njëkohësisht thumboi edhe Ledionin, duke e thirrur në emrin e Arbanës.
