Një person është plagosur në një aksident të ndodhur këtë pasdite në Tepelenë. I lënduari është një 63-vjeçar, i cili lëvizte me motoçikletë, kur në një moment, është përplasur nga një automjet.
“Rreth orës 16:20, në aksin rrugor Krahës-Tepelenë, automjeti me drejtues shtetasin B.M., 57 vjeç, është përplasur me motomjetin me drejtues shtetasin M.N., rreth 63 vjeç. Si pasojë është dëmtuar shtetasi M.N., i cili ndodhet në spital, në kujdesin e mjekëve”, njoftoi policia.
Një hetim ka nisur për sqarimin e rrethanave të aksidentit.
