Në Bankën e Shqipërisë ka rënë “bomba”. Të gjithë po spiunojnë të gjithë. Punonjës nga brenda BSH po “zbërthejnë” skemën e mikrokredive.
Sot do paraqesin prova të tjera, të cilat duhet të vënë në lëvizje SPAK-un. Prova për një skemë me natyrë kriminale, korruptive, mashtrimi dhe zhvatje.
Guvernatori i Bankës së Shqipërisë Gent Sejko është organizator i skemës bashkë me gruan e tij, Elona Sejko (Gjipali) drejtore te Tirana Bank, shoqe me Elda Ibron, pronare e Micro Credit Albania.
Me dhjetra kontrata kanë “rrjedhur” nga BSH, ku duket qartë si ka funksionuar skema. Elona Sejko ka shitur kreditë tek Elda Ibro e MCA-së me firmën e saj. Elona “përzgjodhi” një portofol të mirë për Eldën në 2018.
5000 kontrata kredish kaluan në duart e çiftit mafioz të “Micro Credit Albania”, me firmën e Elona Sejkos që “vëzhgohej” rreptë nga bashkëshorti Gent Sejko.
Guvernatori i Bankës së Shqipërisë, mbikëqyrte kontratat që lidhte gruaja me ortakët e saj të MCA.
Sejkot ndërhynë tek disa banka të tjera që edhe ato t’i shisnin me të lirë kreditë tek çifti mafjoz i MCA, Elda dhe Olsi Ibro. “Iute Credit Albania” dhe “Credo.al” i shitën mijëra kredi MCA-së së Ibrove dhe Final-it të Arben Meskutit, me urdhër të Sejkove.
6-7 vite të arta kaluan çiftet Sejko dhe Ibro, kur MCA-ADCA-FINAL, mashtruan një ushtri me njerëz.
Mund të jenë më tepër se 100 000 të mashtruarit nga skema gjigande e krijuar nga vetë Guvernatori Sejko dhe e ekzekutuar prej Ibrove dhe Meskutit.
Për të kontrolluar çdo fitim nga skema, Sejkot krijuan “Lendal” Sh.p.k, Institucion Financiar Mikrokredie. Guvernator Sejko në Shkurt 2022 i dha praktikisht licencë vetes dhe gruas, nëpërmjet Elton Gjipalit, kunatit të tij, por kjo lëvizje nuk funksionoi sepse Elton Gjipali u dekonspirua shpejt nga media.
Punonjësit e Bankës së Shqipërisë tregojnë se skema filloi të vijë shumë “erë” kur MCA filloi t`u merrte shtëpitë njerëzve me një përmbarues që u fut në ortakëri me dy çiftet.
100 milionë euro mund të jenë grabitur me skemën e mikrokredive. Ibrot e MCA-së i “arratisën” shumicën e parave në Francë, ku po përpiqen të blejnë azilin politik, ndërsa Sejkot i kanë kthyer në prona dhe investime përqindjet e tyre.
Me “pezullimin” e fundit të MCA, deri në Qershor 2024, plani i Sejkove është që të heqin qafe Ibrot dhe 100 000 kreditë e MCA-së t’i shiten një kompanie tjetër mikrofinance, që do marrë përsipër ushtrinë me viktima, e që më pas t`i shtrydhë akoma më shumë.
Në kulmin e zhurmës për mashtrimet me mikrokredi, Guvernatori Sejko licensoi në 28 Dhjetor 2023, një tjetër kompani që do blejë “kredi të këqija”. “New Collection” shpk me Nipt M21615039S në shqip do të thotë “Mbledhje të reja”.
Kështu quhet kompania që Sejko e licensoi dy ditë para Vitit të ri. Skandal? Jo! Mbledhjet e reja do jenë mashtrimet e vjetra, por me emra të ndryshuar, si Adriana Mehmeti, Quadruple-A shpk, Elton Belba dhe dikush tjetër pas tyre…
SPAK që nuk po flet akoma, me siguri vëzhgon, nëse Guvernatori ka ndonjë aftësi të lindur për “skulptor”, ashtu si drejtori i arrestuar i ARRSH-së, që doli part-time, piktor.
/prapaskena.com/
