Gjigantët e Premier League, Manchester City dhe Liverpool raportohet se janë në garë për sulmuesin e Napolit, Khvicha Kvaratskhelia.
Gjeorgjiani 23-vjeçar ka qenë një lojtar kyç për kampionët në fuqi të Serie A që kur mbërriti në verën e vitit 2022. Në 80 ndeshje në të gjitha kompeticionet, ai ka kontribuar 24 gola dhe 23 asiste.
Kjo përfshin 10 gola dhe gjashtë asiste në 37 ndeshje në të gjitha kompeticionet këtë sezon, duke luajtur 34 ndeshje si titullar. Pavarësisht se është kontraktuar në Stadio Diego Maradona deri në vitin 2027, Kvaratskhelia nuk ka mungesë të kërkuesve në të gjithë Europën.
Sipas Graeme Bailey të HITC, gjeorgjiani është vënë në shënjestër të Cityt dhe Reds.
Bailey thotë se City kishte një vëzhgues për të parë sulmuesin e Napolit në humbjen 3-1 të Champions-it në raundin e 1/8-ave të Champions League kundër Barcelonas në mesjavë.
ESPN raporton se ‘Kvaradona’ mund të kushtojë deri në 85 milionë sterlina (100 milionë euro), me menaxherin e lojtarit që ka thënë së fundmi:
“Për sa i përket të ardhmes, ne jemi duke biseduar me klubin, do të shohim se çfarë do të ndodhë.
“Ai do të largohet nëse Napoli merr një ofertë që ata nuk mund ta refuzojnë. Nuk mund të flas për një shumë specifike. Këto janë vlerësimet e presidentit Aurelio De Laurentiis. Çdo gjë do të jetë e qartë në fund të majit”.
Napoli, megjithatë, nuk ka gjasa ta lërë gjeorgjianin të largohet pa luftuar.
