Atletiko Madrid-Inter është padyshim sfida më interesante e kësaj faze në Ligën e Kampioneve. Përballë vihen dy skuadra me shumë ambicie në këtë turne dhe rezultati i ndeshjes së parë ka lënë gjithçka të hapur për duelin e kthimit.
Zikaltrit fituan me rezultatin 1-0 ndeshjen e parë në fushën e tyre dhe tashmë kanë udhëtuar drejt Spanjës me qëllimin për të mbrojtur e administruar këtë avantazh minimal.
Interi e ka nisur sfidën e sotme në sulm teksa në minutën e 13-të i afrohen golit me anë të një kundërsulmi. Dumfris shpërdoron një rast të artë, teksa 2 tentativa e tij të njëpasnjëshme, u ndalën nga portieri Oblak.
Ndërkohë vetëm 4 minuta më pas Inter shfaqet sërish rrezikshëm. Lautaro Martinez provon nga distanca, topi devijohet nga një prej mbrojtësve dhe kontrollohet me vështirësi nga portieri Oblak.
