Detaje të reja kanë dalë në dritë nga vrasja e boksierit shqiptar në Gjermani.
Mediat vendase shkruajnë se Besar Nimani, vitin e kaluar ishte arrestuar pasi ishte kapur me armë zjarri të paligjshme. Nimani ishte justifikuar duke thënë se armët po i mbante për të mbrojtur familjen e tij.
Gjithashtu raportohet se dhjetë vjet më parë, Nimani ishte përfshirë në një përplasje të armatosur.
Nimani në karrierën e tij si boksier ka garuar në kategorinë supervelter, ku ka zhvilluar 27 meçe, nga të cilat ka siguruar 26 fitore dhe ka pësuar vetëm një humbje.
Teksa që nga vitit 2019 ai nuk ka qenë më aktiv në botën e boksit.
Ai u vra teksa po dilte nga një restorant në Bielefeld. Autoritetet gjermane nuk kanë bërë ende asnjë arrestim, ndërsa janë në ndjekje të autorit/ëve.
