Lecce bie në “Via del Mare” përballë Hellas Veronës, sfidë që u mbyll 0-1 për ekipin udhëtues. Tri pikë të arta për Veronën, që regjistroi suksesin e dytë radhazi falë golit të shënuar nga Michael Folorunsho (17’).
Triumf që solli edhe parakalimin e Lecces në renditje. Vazhdon momenti i vështirë për skuadrën nga Salento, që në pesë takimet e fundit ka grumbulluar vetëm një pikë!
81 minuta luajti Ylber Ramadani, ndërkohë që Medon Berisha, mesfushori tjetër shqiptar i Lecces, nuk u aktivizua nga D’Aversa. Kastriot Dermaku vijon të jetë i dëmtuar.
