Erzeni pret Partizanin në “Demrozi Stadium”, nesër(e diel) ora 14:00. Ndeshja në Rrogozhinë është si finale për shijakasit, që ndodhen në zonën e ftohtë, pasi vendin e tetë e ka marrë Teuta. Klubi i Erzenit ka menduar për tifozët, që do të udhëtojnë në Rrogozhinë, duke e bërë hyrjen falas.
Tifozët nuk i kanë munguar asnjëherë Erzenit, ndërsa të shumtë priten dhe nesër. Situata është e njëjtë dhe te Partizani. Klubi i kuq po ashtu është eleminuar nga Kupa e Shqipërisë, ndërsa objektivat sezonal mund të arrihen vetëm përmes kampionatit.
Dy ndeshje janë luajtur mes tyre këtë sezon. Të parin e fitoi Partizani, teksa në të dytën doli fitues Erzeni. Për t’u parë është si do shkojë historia e ndeshjes që do mbyllë fazën e tretë.
