Tirana do të përplasë “brirët” me Egnatian në kampionat”, takim që do të luhet ditën e dielë në orën 17:00 dhe që është i vlefshëm për javën e 27-të të kampionatit.
Bardheblutë do të luftojnë shumë për t’u rikthyer te fitorja në kampionat, e cila iu mungon prej 4 ndeshjesh.
Erbim Fagu pas kualifikimit në gjysmëfinalen e Kupës së Shqipërisë do të kërkojë fitoren e parë në kampionat dhe ndaj rrogpozhinasve do të luajë “all-in” vetëm për 3 pikët.
Në këtë përballje do të ketë një mungesë të rëndësishme për kryeqytetasit. Trajneri i bardhebluve “tradhtohet” nga Rimal Haxhiu.
Mbrojtësi u ndëshkua me karton të verdhë në duelin me Vllazninë dhe ndaj Egnatias kryesuese do të jetë i pezulluar, paasi ka plotësuar numrin 4 të kartonëve të verdhë.
