Përforcimi i skuadrës së Manchester United pritet të jetë një prioritet për drejtuesit gjatë merkatos së verës.
Erik Ten Hag ka filluar të planifikojë ‘goditjet’ pas përfundimit të sezonit, me objektivin e rikthimit të anglezëve në fitimin e trofeve në Angli dhe Europë.
Mes emrave të piketuara, sipas mediave sportive britanike, është edhe ai i Kvicha Kvaratskhelia-s.
Sezonin e kaluar, gjeorgjiani e ndihmoi Napolin për ta fituar përsëri Serinë A pas 33 vitesh, dhe sipas shtypit sportiv italian, kërkohet tanimë nga ekipe me emër.
23-vjeçari, falë rendimentit të shkëlqyer e ka rritur ndjeshëm vlerën e kartonit, një lajm shumë i mirë sidomos për presidentin e Napolit, Aurelio De Laurentis.
Bosi i bardhekaltërve synon të përfitojë në maksimum me shitjen e Kvicha Kvaratskhelias dhe natyrisht do ti mbetet në dorë drejtuesve të 20 herë kampionëve të Premier Leagues për ta pranuar kërkesën e 74-vjeçarit.
Gjatë eksperiencës prej dy vitesh tek napoletanët, ishi i Dinamo Tbilisit është shndërruar në një ndër mesfushorët më të mirë në botë, i cili vijon të lërë gjurmë edhe në sezonin aktual, teksa numëron 8 gola dhe 5 asiste në 34 sfida me kampionë në fuqi të Serisë A.
