Milani ka fituar përballë Slavias së Pragës në ndeshjen e vlefshme për fazën e 1/8-ve të Europa League.
Sfida e zhvilluar në stadiumin “San Siro”, përfundoi me fitoren 4-2 të vendasve.
Pas kësaj sfide foli edhe trajneri i Milanit, Stefano Pioli. Tekniku italian thotë se mund të kishin bërë më shumë se kaq, madje shton se në ndeshjen e kthimit do të duhet të jenë të kujdesshëm pasi Slavia do të luajë një lojë komplet tjetër.
“Mund të kishim bërë më shumë, prisja një pjesë të dytë me më shumë ritëm. Është një fitore e mirë, por Slavia ka treguar se është një ekip energjik. Rezultati i sotëm është i kënaqshëm, por do të ketë ende një luftë për të luftuar”, u shpreh fillimisht Stefano Pioli.
Faza e mbrojtjes?
“Ne patëm shpërqëndrime të vogla në dy golat që pësuam. Por i pari duhet vlerësuar, pasi Slavia shënoi një gol të jashtëzakonshëm. Për mendimin tim ne duhet të kishim krijuar pak më shumë edhe nëse pse s’kishte hapësira. Na duhej pak më shumë shpejtësi dhe ritëm.”
Fiziku i lojtarëve të Slavias?
“Ata janë një ekip i mirë. Por un pres një ndeshje ndryshe në Pragë, sespe ata do të duhet të shënojnë dy gola dhe nuk do të rrinë duke na pritur, por do të sulmojnë. Ata kanë treguar që janë një ekip serioz por ne jemi në rrugën e duhur të kualifikimit duke marrë parasysh rezultatin e sotëm.
