Anëtari i kryesisë së Partisë Demokratike, Aldo Bumçi, ka folur këtë të enjte mbi rezolutën e miratuar për Shqipërinë, nga Partitë Popullore ku bëhet thirrje për respektimin e të drejtave të opozitës dhe një reformë gjithëpërfshirëse elektorale.
Aty përmenden edhe problemet me korrupsionin, mungesën e ndarjes së pushteteve si dhe çështjen e dënimit të Fredi Belerit.
I ftuar në Syri TV, Bumçi u shpreh se lidhur me rastin e Belerit qeveria ndërhyri në proçesin zgjedhor, duke cënuar prezumimin e pafajësisë, pra çdo njeri është i pafajshëm derisa ai dënohet.
Aldo Bumçi: “Ne kemi të bëjmë me një qëndrim që vjen duke u konsoliduar, kemi një sërë kritikash që po vijn në mënyrë të shkruar, pra me dokumenta siç është ‘Dokumenti i Progresit të Individit’, i viteve 2022-2023 ku kemi qëndrimet për zhvillimet në parlament që kërkojnë respektimin e të drejtave të opozitës dhe ushtrimin e kontrollit të qeverisë, dhe qëndrimet e ambasadave të vendeve kryesore të BE.
Tashmë kemi edhe një qëndrim tjetër që nuk vjen nga Parlamenti Europian, por nga Partia Popullore Europiane, si forma më e madhe në Parlamentin Europian.
Çfarë përmban kjo rezolutë? Kjo rezolutë nis me shkeljet e rënda të shtetit të së drejtës dhe lirive themelore dhe të procesit të drejtë ligjor për çështjen e Fredi Belerit, dhe më pas e bën përgjegjësimin ku ndodhet Shqipëria duke ju referuar qëndrimit të raportit të Komisionit Europian, pra kemi një qëndrim të konsoliduar.
Për zotin Beleri thuhet se qeveria ndërhyri në proçesin zgjedhor dhe flet për mbajtjen e tij të arrestuar duke cënuar prezumimin e pafajësisë, çdo njeri është i pafajshëm derisa ai dënohet.
Këtu kemi dy parime themelore, prezumimin e pafajësisë dhe mos lejimin e betimit që është një e drejtë për sa kohë zgjedhësit e kanë zgjedhur dhe KQZ e ka çertifikuar si të rregullt.
