Kuvendi i Shqipërisë do të mblidhet sërish sot. Edhe në këtë seancë nuk pritet një normalitet, teksa opozita medohet se do të vijojë me protestat në sallën e parlamentit në kërkim të atyre që i quan të drejta kushtetuese të mohuara.
Flamur Noka, Bledjon Nallbati dhe Saimir Korreshi nuk do marrin pjesë në seancë pasi janë të përjashtuar. Po ashtu, i përjashtuar vijon të jetë edhe deputeti Edi Paloka.
Në rendin e ditës së sotme është futur edhe pr.ligji për investimet strategjike, të cilit i është zgjatuar afati deri në dhjetor 2024. Nismë që ka marrë kritika të shumta me opozitën që e quan një ligj klientelist nga i cili përfitojnë njerëzit e zgjedhur të Ramës.
