Agjencia ruse e monitorimit financiar, Rosfinmonitoring, ka shtuar ish-kampionin botëror të shahut Garry Kasparov, një kritik i shquar i Kremlinit, në listën e saj të “terroristëve dhe ekstremistëve”.
Sipas Reuters, personave të vendosur në këtë listë, u vendosen kufizime në transaksionet bankare dhe i detyron ata të kërkojnë miratim sa herë që duan të përdorin llogaritë e tyre.
Kasparov, 60 vjeç, u largua nga Rusia në vitin 2014 nga frika e persekutimit, ndërsa lidhur me lajmin e fundit, zyra e tij për media nuk ka bërë asnjë koment.
Ministria ruse e drejtësisë shtoi Kasparov dhe ish-manjatin e naftës Mikhail Khodorkovsky në listën e saj të “agjentëve të huaj” në vitin 2022, duke i nënshtruar ata ndaj burokracisë së rëndë, përfshirë raportimin financiar.
Kasparov konsiderohet gjerësisht si një nga shahistët më të mëdhenj në botë dhe ka jetuar në Shtetet e Bashkuara për më shumë se një dekadë, ku ai është fokusuar në aktivizmin politik.
Në shkurt 2023, ai i kërkoi Perëndimit të vazhdonte mbështetjen e tij për Kievin dhe tha se Ukraina duhej të mundte Moskën si një “parakusht” për një tranzicion demokratik në Rusi.
