Pavarësisht krizës ku ndodhen fermerët dhe blegëtorët, Qeveria nuk ka rritur subvencionet ndaj tyre, por vetëm ka ndryshuar skemën.
Qeveria ka miratuar disa ndryshime në raport me vitet e mëparshme në Skemën Kombëtare të Bujqësisë dhe Blegtorisë 2024 dhe tashmë fermerëve dhe blegtorëve nuk do u jepet më bidonë apo tollona për naftën, por para’ në llogaritë e tyre bankare për ta blerë vetë atë.
Skema thuajse mbetet e pandryshuar në drejtim të masave. Ata që kanë lopë do të marrin 10 mijë lekë për krerë, ndërsa ata që mbarështojnë të imëta 1 mijë e 200 lekë. Me 1 mijë lekë do të mbështeten bletarët, ndërsa kultivuesit e perimeve, luleshtrydheve dhe rrushit do të marrin 200 mijë lekë për hektarë. Në skemë janë përshirë edhe bimët medicinale me 30 mijë lekë për hektarë.
Edhe këtë vit fondi në dispozicion në Skemën Kombëtare të Bujqësisë dhe Blegtorisë mbetet i pamjaftueshëm për të mbështetur të gjithë fermerët. Paratë janë të mjaftueshme vetëm për 70 mijë fermerë, nga 97 mijë në total të pajisur me NIPT. Aplikimet pritet të çelen në fund të muajit mars.
