27-vjeçari, Dino Ibrahimoviç, i cili dyshohet si autor i vrasjes së Edmond Mustafës është lënë në paraburgim, me vendim të gjyqtares hetuese të Gjykatës së Lartë në Podgoricë, Suzana Mugosha.
Mediat vendase shkruajnë se gjatë seancës gjyqësore, Ibrahimoviç nuk konfiromoi se Mustafa ishte anëtar i klanit kriminal Skaljar, ashtu siç u dyshua pak më herët.
Kujtojmë se Ibrahimoviç u arrestua dy ditë më parë, teksa po tentonte të arratisej nga Tivari pas krimit.
Si ndodhi vrasja e Edmond Mustafës?
Edmond Mustafa ditën e martë 27 Shkurt ishte duke pirë kafe nën shoqërinë e së motrës. Në momentin kur kanë dalë nga lokali dhe janë nisur drejt makinës, një person iu është afruar dhe qëlloi me breshëri plumbash drejt Edmond Mustafës.
Pasi ka qëlluar për vdekje shqiptarin, autori është larguar me motoçikletë nga Ulica Maršala Tita. Dëshmitarët okularë thonë se vrasësi i është afruar Mustafës nga prapa dhe ka qëlluar në një distancë prej 10 metrash.
