Në mbyllje të konferencës së përbashkët për gazetarët mes kryeministrit Edi Rama dhe komisionerit europian Oliver Varhelyi, gazetarja Ambrozia Meta pyeti Ramën se pse Aleks Soros duhej të ishte i pranishëm jo vetëm në samit, por edhe në foton familjare.
Ndërkohë Rama iu përgjigj duke i thënë: “Harroi të të pyeste edhe ty.”
Kujtojmë se Alex Soros ishte dje në samit si pjesë e delegacionit shqiptar, kurse në samitin e sotëm ai ishte në foton familjare, njësoj si të gjithë zyrtarët e lartë shtetërorë të rajonit dhe BE-së.
Kujtojmë gjithashtu se Alex Soros, i cili tashmë është bërë president i Fondacionit të “Shoqërisë së Hapur”, vjen shpesh në Tiranë ku takohet me kryebashkiakun Erion Veliaj dhe kryeministrin Edi Rama. Madje, ai ka qenë i pranishëm edhe në ditëlindjen e kryeministrit Edi Rama.
