Policia e Tiranës ka arrestuar dy persona të shpallur në kërkim. Një prej personave që është vënë në pranga është shtetasi Dashamir Hoxha, 40 vjeç, banues në kryeqytet.
Ndaj tij, Gjykata e Tiranës ka caktuar masën e sigurisë “Arrest në burg”, për veprën penale “Vrasja me paramendim”, mbetur në tentativë. Më 3 Qershor të vitit të kaluar, ai tentoi të vrasë me thikë një 24-vjeçar, duke e plagosur me thikë dhe më pas u largua në drejtim të paditur.
Gjithashtu, autoritetet policore të kryeqytetit kanë vënë në pranga dhe shtetasin A. B., 40 vjeç, banues në Tiranë. Ai ishte shpallur në kërkim pasi Gjykata e Apelit të Tiranës i ka caktuar masën e sigurisë “Arrest në burg”, për veprën penale “Ndihma për kalim të paligjshëm të kufijve”.
Materialet procedurale i kaluan Prokurorisë së Tiranës për veprime të mëtejshme.
