Të tjera detaje janë zbardhur nga ngjarja që u regjistrua mbrëmjen e kaluar në Fier, në një kompani koreane, ku dyshohet se ka pasur një rrjedhje të lëndëve kimike.
Për pasojë u asfiksuan tetë nga punonjësit e turnit për shkak të lëndëve kimike, të cilët u transportuan në spital për ndihmë mjekësore.
Por ndryshe nga mbrëmja e djeshme ku në kompani kanë mbërritur ambulancat, sot mësohet se punëtoret po shoqërohen me autoveturat private të kompanisë drejt spitalit.
Nuk dihet ende si paraqitet gjendja e tyre.
Ngjarja ka ndodhur në kompaninë koreane “YURA”, e cila operon në sektorin e pajisjeve elektrike për automjetet, aktivitet që e ushtron prej 5 vitesh.
