Tension pas ndeshjes në Korçë, ku Dinamo fitoi 0-1 ndaj Skënderbeut në një sfidë delikate në këtë fazë të kampionatit.
Episodi që vendosi ndeshjen ishte një penallti e akorduar nga gjyqtari Klodian Shahini, ndërsa Lorenco Vila nuk gaboi duke shënuar golin e vetëm të takimit.
Tifozët vendas nuk u pajtuan me arbitrimin dhe në përfundim të ndeshjes u konfrontuan me presidentin e Dinamos, Adrian Bardhi, i ndodhur në tribunën VIP të stadiumit.
Dhe pse përplasja nuk ka qenë fizike, palët nuk kanë kursyer tonet e larta dhe të ashpra.
