Analisti Enton Abilekaj i është bashkuar protestës kombëtare të ditës së sotme përpara kryeministrisë, të thirrur nga opozita.
Nga Bulevardi “Dëshmorët e Kombit”, Abilekaj është shprehur se me anë të kësaj proteste njerëzit duhet të marrin në dorë fatin e tyre për të rrëzuar regjimin e instaluar nga Rama.
“Është momenti kur njerëzit duhet të marrin në dorë fatin e tyre, është momenti kur nuk duhet të presim se çfarë do të thonë ndërkombëtarët, është momenti kur kjo opozitë, që pretendon se është bashkuar dhe unë besoj se është bashkuar, të tregojë se çfarë do të bëjë. Çfarë do të thotë kjo protestë sot, për atë që do të ndodh në 2025-ën. A do të nis sot opozita një rrugëtim për të bërë një show apo do të nis një rrugëtim që në 2025-ën të dalë e fituar në zgjedhje. Është sot momenti që të tregojnë se i besojnë ato që thonë. Duhet të besojnë se ky regjim nuk rrëzohet me votë por duhet të marrë fati në duar. Sot fati merret nëpërmjet protestave, mosbindjes civile, radikalizimeve të lëvizjeve në vazhdim deri në rrëzimin e regjimit”, tha Abilekaj për “Syri Tv”.
