Një aksident me katër të plagosur ka ndodhur këtë të hënë në Burrel.
Policia njoftoi se në vendin e quajtur “ish grumbullimi”, shtetasi Y.Xh., duke drejtuar automjetin tip “Benz”, ka humbur kontrollin mbi drejtimin e mjetit dhe për pasojë mjeti ka dalë nga rruga duke aksidentuar 4 këmbësorë. Të lënduarit po marrin ndihmë mjekësore në spital.
Ndërkohë, sipas të njëjtave burime, efektivët janë vënë në ndjekje të shoferit, i cili pasi ka shkaktuar aksidentin, është larguar nga vendngjarja me mjet.
Grupi hetimor po punon për zbardhjen e plotë të rrethanave të ngjarjes, mbyllet njoftimi i bluve.
