Këngëtarja Demi Lovato e ka vërtetuar tashmë që nuk ka koplekse dhe është shumë e hapur për të treguar detaje nga jeta e saj. E njëjta gjë ka ndodhur edhe kësaj here.
Në rrjetin social “Instagram” ajo ka publikuar disa fotografi, ku tregon trupin me të mirat dhe me të këqijat në tërësi. “Kam celulite ashtu sikurse kanë 93% e femrave. Ajo çfarë shihni në “Instagram” nuk është gjithnjë realiteti. Por le të jemi të vërtetë dhe ta duam veten kështu siç jemi”-ka shkruar Demi Lovato. Ajo nuk ka hezituar aspak të tregojë strijat, celulitet dhe barkun e patonifikuar.
Pavarësisht të gjitha këtyre detajeve, këngëtarja shumë e përfoluar thekson se i pëlqen vetja kështu siç është. Disa kohë më parë Lovato bëri të ditur se kur ishte 7 vjeç, donte të kryente vetvrasje. Në një tjetër deklaratë ka bërë të ditur se i pëlqejnë edhe meshkujt edhe femrat. Pra, është qartë qse Demi Lovato vështirë se mban sekrete për veten e saj. J.K
