Partizani ka triumfuar 2-1 në derbi përballë Tiranës, ndeshje e vlefshme për javën e 24-t të Superligës.
Pavarësisht rezultatit, të parën avantazhit e morën bardheblutë e Julian Ahmatajt, me “fantazistin”, Liridon Latifi, i cili dërgon në rrjetën e boshatisur, një top të devijuar nga portieri i të kuqve Alban Hoxha, për të marrë avantazhin, që në minutën e t’-të, të sfidës.
Mirëpo avantazhi nuk do të zgjaste shumë. Fillimisht një 11-metërsh i ekzekutar nga sulmuesi Xhuliano Skuka, në mintuën e 32’-të të sfidës vendosi barashpeshën dhe vetëm 11 minuta më vonë, në të 43’-të, anësori i sulmit, Tedi Cara dërgoi topin në rrjetën e Abdullahut, pas një depërtimi të rrufeshëm në zonën e Tiranës, për të “vulosur” fillimisht avantazhin në fundin e pjesës së parë e më tej të të gjithë sfidës.
Kështu Tirana u duk e pafuqishme për të përballuar një ekip të ndërtuar me kujdes si Partizani, teksa vetëm gjatë merkatos së dimrit nga bardhblutë u larguan lojtarë kyç si Florent Hasani, Kaina, Albi Doka, apo Klevi Qefalija pa mundur t;i zëvëndësojnë për shkak merkatos së bllokuar.
Falë këtij rezultati, Partizani ngjitet në kuotën e 40 pikëve dhe tashmë renditen vetëm 8 pikë, larg kryesuesve të Egnatias, me këta të fundit, që në sfidën e radhës do të përballen me Vllazninë, në “Loro Boriçi”.
Në krahun tjetër, “Bardheblutë” e Tiranës mbeten në vendin e 4-t të tabelës, me vetëm 34 pikë dhe tashmë rrezikojnë shumë pozicionimin mes katër më të mirave.
Klasifikimi:
