Një fëmijë është rrëzuar aksidentalisht në ambientet e shkollës në Elbasan. Policia njofton se mesditën e djeshme, në Spitalin Rajonal Elbasan, është paraqitur për të marrë asistencë mjekësore një 10-vjeçar.
Nga veprimet hetimore rezultoi se ishte rrëzuar aksidentalisht në palestrën e shkollës, gjatë orës mësimore të edukimit fizik.
Pas marrjes së mjekimit, 10-vjeçari u largua në banesë, jashtë rrezikut për jetën.
Materialet i kaluan Prokurorisë, për vlerësim.
