Partizani dhe Tirana luajnë nesër në orën 19:00. Derbi i kryeqytetit në stadiumin “Air Albania” do marrë vëmendjen e gjithë futbollit shqiptar, teksa luhet për javën e 24-t të Superiores.
Kur kanë mbetur më pak se 24 orë nga sfida, bastet kanë thënë fjalën e tyre. Fitorja e të kuqve si ekipi pritës kuotohet 2.4, ndërsa fitorja e Tiranës ka koeficient 2.7.
Barazimi kuotohet 3.3. Kjo tregon dhe baraspeshën midis skuadrave dhe mund të thuhet se asnjë skuadër nuk është favorite për ta fituar ndërsa spektakli në fushën e lojës dhe tribuna është i garantuar.
Kujtojmë se Partizani mban vendin e dytë në renditjen e përgjithshme. Bardheblutë ndjekin në vendin e katërt me 3 pikë më pak. Një fitore do të vlente shumë për moralin e secilit klub.
