Analisti, Arjon Sulo, ka komentuar mbrëmjen e sotme vizitën e Sekretarit amerikan të shtetit, Anthony Blinken, në Tiranë
Sulo e konsideroi vizitën dhe mesazhet e Blinken, , si një ‘qokë’ për t’i treguar mbështetje kryeministrit Rama.
I ftuar në emisionin “Open” në News24, Sulo tha se Blinken do duhej patjetër të takonte përfaqësues të opozitës, teksa tha se mendon se zyrtarët e lartë amerikan nuk duhet ‘t’i shohim më si arbitra’.
“Nga ajo që pamë, vizita ishte një falënderim për Ramën, një mbështetje e paparë deri tani nga sekretarët e shtetit për një politikan shqiptar në pushtet.
Në momentin që ne presim që shteti më demokratik në botë të nxisë parametrat e demokracisë këtu, ne dëgjojmë që bëhet gati një ‘qokë’ për kryeministrin. Ky është problemi.
Dhe në këtë moment unë them të mos i shikojmë më ata si arbitra. Sepse të mos takosh opozitën, dhe Blinken nuk sheh opozitë aty, është mbështetje e madhe që të mbash 20 vjet Ramën…Të takonte përfaqësues të opozitës. Ai duhet të takojë përfaqësuesin e 600 mijë shqiptarëve që kanë votuar”, tha ai.
