Bayern Munich kërkon që të ringrihet pas asaj humbje me Leverkusenin dhe të fokusohet në Ligën e Kampionëve, aty ku do të përballet ditën e nesërme me Lacion në “Olimpico”.
Kapiteni i bavarezëve, Manuel Neuer shpreh se skuadra do të kërkojë kthesën dhe se si synim ka fitimin e Champions-it trofe që i mungon që prej vitit 2020.
Problemet me gjurin?
Jam optimist. Gjuri im është mirë. kisha disa probleme, por jam stërvitur.
Çfarë i thatë njëri-tjetrit pas disfatës me Leverkusenin?
Disfatat nuk treten. Ishim përgatitur për atë ndeshje prej javës. Një humbje si ajo na la shumë të zhgënjyer. Kemi folur, madje dhe me trajnerin. Duam të ngrihemi dhe të arrijmë çerekfinalet.
A po e humbisni qetësinë dhe butësinë?
Ndoshta po. E kemi nisur keq, por një gabim i parë nuk mund të na ulë moralin. Është e qartë që duhet të komunikojmë dhe të suportojmë njëri-tjetrin. Duhet të mësojmë nga gabimet tona dhe të kthejmë një ndeshje aq negative në një përpjekje për t’u përmirësuar. Secili prej nesh është i uritur për të dhënë më të mirën. Ndoshta një humbje si kjo mund të na motivojë më shumë me Lacion.
A është Lacio një skuadër më defensive se Leverkusen? I trembeni?
Është një skuadër italiane dhe ato dinë shumë mirë se si të mbrohen. Mesfusha është kompakte dhe do të provojnë edhe në fazën e sulmit. Në çdo rast, kjo skuadër do të kishte sinonim fjalën e lehtë, por të gjithë e dimë që Bajerni ka probleme me këto skuadra “të lehta”.
Çfarë ndodhi me Kejnin kundër Leverkusenit?
Ne nuk luajtëm ashtu siç donim, njësoj si dhe Kejn. Duhet t’i shërbenim më mirë.
Është e vështirë të vazhdoni përpara?
Pas humbjeve të tilla, e rëndësishme është të futesh në fushë sa më shpejtë të jetë e mundur. Duhet të kujtojmë të gjitha angazhimet që kemi pasur në Champions League në të kaluarën. Ajo që na dallon nga sportistët e tjerë amatorë është fakti se ne dimë të rikthehemi nga këto humbje dhe dëmtime. Ne synojmë të fitojmë Champions-in.
