Finalja e Super Bowl mes Kansas City Chiefs dhe San Francisco 49ers ka thyer një rekord shikueshmërie në Amerikë, duke arritur shifrën e jashtëzakonshme prej 123.4 milionë shikuesish.
Shikueshmëria iu afrua rekordit televiziv të vendosur që nga zbritja e njeriut të pare në Hënë me anijen Apollo 11 që ka një rekord prej 125-150 milionë shikuesish.
Finalja theu rekordin e mëparshme për shikueshmëri të finales së vjetshme të Super Bowl mes Kansas City Chiefs dhe Philadelphia Eagles, ku Chiefs dolën përsëri fitues duke kthyer rezultatin në pjesën e dytë përpara një audience prej 115 milion shikuesish.
Futbolli amerikan është sporti më i ndjekur në SHBA duke mos pasur aspak konkurrencë.
Për t’i vendosur gjërat në perspektivë rekordi i shikueshmërisë i NBA është ai i vitit 1998 teksa ndeshjen e 6 mes Chicago Bulls dhe Utah Jazz e ndoqën 35 milionë amerikanë, ndërsa që atëherë shikueshmëria e basketbollit në SHBA është ulur, ndërsa e kundërta ndodh me futbollin.
