Gjashtë adoleshentë janë plagosur me thikë brenda 90 minutave në një tjetër nate të dhunshme në Londër.
Një djalë 13-vjeçar ishte midis të plagosurve të katër sulmeve me thika gjatë mbrëmjes së të enjtes.
Policia ka arrestuar deri tani 5 persona, raportojnë mediat angleze.
Katër persona janë në spital në gjendje të rëndë. Sulmet shpërthyen në pjesë të ndryshme të qytetit.
Një djalë, mosha e të cilit nuk dihet është arrestuar për vrasje në tentativë ndërsa një 16-vjeçar është arrestuar për sulmin me thikë ndaj dy 15 vjeçarëve në lindje të Londrës.
Policia tha se 3 djem të mitur janë arrestuar për sulmin ndaj 13-vjeçarit në Manor Park. Ndërsa përsa i përket tre incideneve të tjera nuk është bërë asnjë arrestim.
Ata plagosën dy djem 15 dhe 18 vjeç dhe një burrë në të 40-at me dëmtime të rënda në trup por janë jashtë rrezikut për jetën.
Deputeti i Tottenhamit, David Lammy tha se dhuna në Londër ishte më e keqja që ka parë ndonjëherë dhe paralajmëroi se nuk ka asnjë shenjë të ndalimit të gjakderdhjes pas një sërë vrasjesh, një pjesë e të cilave vijnë nga lufta e bandave për drogë.
