Policia e Vlorës ka vënë në pranga një person të shpallur në kërkim ndërkombëtar nga autoritetet italiane. Në kuadër të operacionit policor të koduar “Part of” u vu në pranga shtetasi Henerik Boba alias Ermal Hitaj, 39 vjeç.
Ai është kapur në lagjen “10 Korriku” të qytetit bregdetar, me qëllim ekstradimin drejt Italisë, pasi është dënuar me mbi 7 vjet burgim, për pjesëmarrje në një organizate kriminale për trafikim të lëndëve narkotike
“Gjykata e Firences e ka dënuar këtë shtetas, me 7 vjet e 4 muaj burgim, për veprën penale “Trafikimi i lëndëve narkotike”, kryer në kuadër të organizatës kriminale, sipas parashikimeve të Kodit Penal të Italisë.” – thuhet në njoftimin e Policisë.
Bëhet me dije se Interpol Tirana dhe Interpol Roma po bashkëpunojnë për të kryer ekstradimin e këtij shtetasi.
