Mehdi Taremi do të nisë aventurën e re ne Serie A te Interi duke filluar nga vera e ardhshme. Sulmuesit iranian, i sapoeliminuar nga Kupa e Azisë, i skadon kontrata me Porton pas pak muajsh dhe disa javë më parë mbylli marrëveshjen me Interin për t’u transferuar në Milano si transferim i lirë.
Klubi milanez, shkruan gazetari Fabrizio Romano, tashmë ka planifikuar vizitat mjekësore: më pas, Taremi do të nënshkruajë kontratë të vlefshme deri më 30 qershor 2026 me opsion për sezonin e ardhshëm.
Ditët e fundit, në lidhje me marrëveshjen me Taremin dhe Zielinskin, drejtori sportiv i Nerazzurrëve, Piero Ausilio, është shprehur kështu: “Nuk ka kuptim të fshihemi, këto janë situata për të cilat po punojmë.
Nuk na pëlqen të japim kohë, data apo ultimatume. Ne kemi njoftuar klubet përkatëse që jemi duke negociuar, ka pasur kontakte dhe të shohim nëse kjo do të çojë në diçka përfundimtare”.
I lindur në vitin 1992, Taremi arriti të vendoset në botën e futbollit vetëm vonë në jetë. Në vitin 2019, në moshën 27-vjeçare, transferimi i tij nga Al-Gharafa në Rio Ave, në verën e ardhshme transferimi në Porto: me fanellën e Dragojnve shenjtërimi i tij përfundimtar me 171 paraqitje dhe 86 gola, si dhe 53 asistime fituese.
Në Kupën e Azisë të përfunduar së fundmi, Taremi udhëhoqi Iranin në gjysmëfinale, të cilën e humbën 3-2 kundër Katarit, me tre gola në pesë ndeshje.
