Partia Socialiste ka mbledhur këtë të diel Asamblenë, një takim i cili mbahet me dyer të mbyllura në periferi të Tiranës.
Pak para mbledhjes, kryeministri Edi Rama, foli për gazetarët, por nuk u përgjigj asnjë pyetje që lidheshin me intervistën e Ahmetajt.
“Është një mbledhje pune, raportimesh dhe diskutimesh në lidhje me hapat e tjerë në funksion për të riorganizuar Partinë Socialiste”, tha Rama.
Kur u pyet nëse kishte kërcënuar ish-bashkëpunëtorin e tij, Rama vijoi “Partia Socialiste është në një proces jashtëzakonisht të rëndësishëm dhe jemi të vetëdijshëm për hapjen e Partisë për të gjithë ata që kanë dëshirë të kontribuojnë. Nuk kemi sot asnjë plan për të bërë ndryshime. Jemi sot këtu për të bërë një analizë”.
