Kaina Nunjesh nuk arriti dot të linte gjurmë te Tirana, me sulmuesin brazilian që u largua nga bardheblutë pas vetëm 6 muajsh.
27-vjeçari është prezantuar në Korenë e Jugut, me skuadrën e Chungnam Asan që militon në kategorinë e Dytë.
“Zgjodha Korenë për një sfidë të re dhe do të bëj më të mirën që skuadra të arrijë të ngjitet një kategori më sipër”, ishin fjalët e para të Nunjesh gjatë prezantimit në klubin e ri.
Bardheblutë kanë përfituar rreth 80 mijë euro nga shitja e lojtarit. Braziliani ka luajtur në të shkuarën dhe me Vllazninë, Kastriotin dhe Besën e Kavajës.
