Një i moshuar, 81 vjeçari Gaqo Tili, banues në lagjen nr 15 në Korçë, është paraqitur në spitalin e Korçës me dëmtime në trup që dyshohet të jenë shkaktuar nga sende të forta.
Nga këqyrja e vendit të ngjarjes grupi i hetimit nuk ka konstatuar thyerje të derës kryesore si dhe të dritareve të katit të parë ku banonte 81 vjeçari, ndërkohe që brenda baneses ka patur njolla gjaku. Kjo edhe për policinë tregon se ka patur një përleshje brenda banesës por deri tani nuk janë konstatuar elementë një grabitje me dhunë.
Mësohet se grupi i hetimit në banesën e Gaqo Tilit ka gjetur pije alkoolike, një element ky që sipas policisë tregon se i plagosuri dhe autori apo autorët mund të jenë përleshur brenda hyrjes.
Grupi i hetimit po punon për zbardhjen e kësaj ngjarje.
Burime nga spitali rajonal i Korçës bëjnë të ditur se gjendja shëndetësore e Gaqo Tilit është tepër e rëndë dhe është futur në sallën e operacionit.
