Punonjësit e uzinës së Ferrokromit të Komsisë në Mat kanë dalë në protestë për të kërkuar përmirësim të kushteve të punës dhe rritje të pagës.
Ata kanë kërkuar gjithashtu largimin e drejtorit të Uzinës për shkak të një incidenti të ndodhur dy vite më parë, ku sipas metalurgëve drejtori ka dhunuar kolegun e tyre, Hamit Metra, ngjarje për të cilën gjykata e shkallës së parë Mat e ka shpallur fajtor.
Punonjësit thonë se protesta do të vijojë me përshkallëzim nëse kërkesat nuk plotësohen. Rreth 80 metalurgë i drejtuan kërkesat e tyre ndaj kompanisë turke që administron uzinën.
