Nëndrejtori i spitalit të Durrësit, Genti Kavaja ka sqaruar situatën pasi fëmija 3-vjeçar humbi jetën mesditën e sotme rrugës për në spital, pasi u zgjua nga gjumi në kopësht.
Kavaja tha se fëmija mbërriti në Poliklinikë pa puls dhe pa tension, ndërsa sipas tij s’mund të thuhet asgjë deri në fund të hetimeve.
“Fëmija mbërriti në Poliklinikë pa puls dhe pa tension. Iu dha ndihma nga mjekët kardiologë. U lajmërua urgjenca, por fëmija humbi jetën rrugës. Është ngritur grup pune për të verifikuar shkakun. Femija ka mberritur tek mjeket pediater pa puls, pa tension, ne gjendje te rende. S’mund të themi asgjë deri në fund të hetimeve.”
Fëmija 3-vjeçar, ka shfaqur të vjella teksa ndodhej në një kopsht privat në lagjen numër 4 të Durrësit. Ai është dërguar në Poliklinikën e Specialiteteve dhe nga aty drejt Urgjencës se Pediatrisë, por nuk ka mundur të mbijetojë.
Nga pamjet e videos me lart, shihen edhe familjaret jashte spitalit te tronditur dhe ne gjendje teper te veshtire.
