Një ngjarje e rëndë është zbardhur nga autoritetet greke, pasi një vajzë 14-vjeçare në Rethymno të Kretës kishte rënë pre e disa të panjohurve, të cilët abuzonin seksualisht me të, si dhe e shfrytëzonin për prostitucion.
“Protothema.gr” raporton se historia e tmerrshme ka nisur të zbardhet kur në zyrat e Nën-Drejtorisë së Sigurimit të Rethymnon ka ardhur një denoncim anonim në verën e vitit 2023. Ankesa i referohej shfrytëzimit dhe abuzimit të vazhdueshëm seksual të një të miture nga zona malore në brendësi të Rethymnon, ku dyshohet se ishin përfshirë burra të rritur, të huaj dhe vendas.
Kjo telefonatë u pasua nga një hetim policor disa mujor, nga i cili u implikuan 12 persona, të cilët e detyronin vajzën 14-vjeçare të kryente prostitucion.
Veçanërisht, nga ekzaminimi i të miturës, në prani të një psikologu fëmijësh, u konstatua se ajo ishte dhunuar nga të paktën një prej 12 të përfshirëve dhe se pjesa tjetër kryente akte seksuale.
Në kontrollin e kryer në fund të muajit janar në shtëpinë e autorit që dyshohet se ka dhunuar vajzën, janë gjetur dhe konfiskuar dy celularë dhe një gëzhojë pistolete.
