Edi Rama ka reaguar lidhur me situatën e krijuar mes Kosovës dhe aleatëve, pas vendimit të qeverisë Kurti për të mos lejuar përdorimin e monedhës serbe për transaksione në Kosovë, por vetëm të euros.
Kryeministri Edi Rama, në një postim në rrjetet sociale, shkruan se Kosova duhet të koordinohet dhe të punojë me aleatët.
“Ndërsa të gjithë jemi dakord që qeveria e Kosovës duhet të angazhohet, të koordinohet dhe të punojë më ngushtë me aleatët e saj kryesorë, le të mos e harrojmë gjithashtu të drejtën e pamohueshme të Kosovës për të zbatuar kushtetutën e saj. Pas Banjskës, është thelbësore të ruani fokusin dhe ndjenjën e ekuilibrit”, shkruan ai.
SHBA dhe BE kanë kërkuar nga qeveria e Kosovës që të rishikojë vendimin e Bankës Qendrore për moslejimin e përdorimit të monedhave të tjera për transaksione, përveç euros. Kështu, serbëve të Kosovës u pamundësohet përdorimi i dinarit.
