Një person është vënë në pranga lidhur me aksidentin e djeshëm me vdekje në aksin Librazhd-Prrenjas.
Policia lokale njoftoi arrestimin e shtetasin Meglin Zenelit, 21 vjeç, banues në fshatin Qukës, Librazhd, pasi dyshohet se ka humbur kontrollin mbi drejtimin e automjetit dhe për këtë shkak automjeti ka dalë nga rruga. Për pasojë humbi jetën njëri nga pasagjerët e këtij automjeti, Dorian Belba, 18 vjeç, si dhe kanë mbetur të dëmtuar 2 pasagjerët e tjerë dhe drejtuesi i automjetit. Sipas policisë, të plagosurit janë janë në kujdesin e mjekëve, jashtë rrezikut për jetën.
Në pranga u vu edhe shoferi i aksidentit tjetër me vdekje të ndodhur ditën e diel – K. H., 23 vjeç, banues në Kamëz, Tiranë.
“Në aksin rrugor ‘Korçë-Devoll’, pranë fshatit Belorta, Korçë, duke drejtuar automjetin tip ‘Hyundai’, ka përplasur automjetin tip ‘Volkswagen’ me drejtues shtetasin Elvis Mizaku, 36 vjeç, banues në fshatin Terovë, Maliq. Për pasojë ka humbur jetën 36-vjeçari Elvis Mizaku, si dhe janë dëmtuar shtetasit A. P., 50 vjeç, B. P., 20 vjeçe, D. P., 42 vjeçe dhe Dh. P., 36 vjeçe, banues në Kamëz, Tiranë, pasagjerë në automjetin tip ‘Hyundai’, të cilët ndodhen në spitalin e Korçës, jashtë rrezikut për jetën”, njoftoi policia.
Arrestimet janë kryer për veprën penale “shkelja e rregullave të qarkullimit rrugor”.
