Dhuna dhe tradhtia në familjen shqiptare në Pirgo të Greqisë, duket se detyroi Fatbardha Palin ti japë fund jetës duke u vetëvarur.
Ngjarja ndodhi mbrëmjen e së premtes. Policia gjeti viktimën të varur me një litar pak metra larg spitalit të Pirgosit. Ajo u dërgua me urgjencë në spital, por mjekët thanë që nuk mundën ta mbanin në jetë.
Duket se shkak i vetëvrasjes së saj ishin problemet familjare dhe tradhtia e së shoqit, por edhe dhuna psikologjike e ushtruar ndaj saj.
Këtë tregon vetë viktima në një shkrim të publikuar nga vetë ajo në “FB”, ku sqaron me detaje kalvarin e problemeve të saj në familje.
Ngjarja ka shokuar opinionin vendas. Banorë të zonës thanë për mediat lokale se viktima ishte njeri pa probleme dhe mjaftë punëtore.
Ajo la pas një djalë.
