Ish-zv/kryeministri, Arben Ahmetaj, ka deklaruar se është mbajtur në vëzhgim nga persona të panjohur.
Në një intervistë, në ‘Çim Peka LIVE’ , ai deklaron se ka vendosur në dijeni edhe ish-ministrin e brendshëm Bledi Çuçi, dhe ky i fundit i ka thënë se me siguri do të jetë SPAK.
Ahmetaj: Unë nuk jam pjesë e kësaj dhe të vërtetën nuk e kam unë për detyrë ta zbulojë. Unë me këto që po them, po shtyj drejt së vërtetës. Pse robert Spiri do të merret me familjen time? E di ti që fëmija im tre vjec nuk ka banesë se është sekuestruar?
SPAK ka vendosur që banesa të mos përdoret? Unë nuk e financoj dot Kejsin 18 vjeç sepse gjykata ka bllokuar procedurat. A e di se unë e kam lajmëruar ministrin Çuçi se po më ndjekin njerëz nga pas. Me siguri do të jetë SPAK. Duhet të merrte leje SPAK, thashë. D.m.th qenka përmbysur sistemi, SPAK mbi gjykatën dhe mbi të drejtat e qytetarëve. Po cilat janë dy parimet kryesore të drejtësisë. Parimi i parë është pavarësia dhe nuk i takon të thotë; nuk ka të paprekshëm. Prokurori nuk flet, vepron dhe kur veprat e tij janë në kundërshtim me ligjin është shumë e rrezikshme për demokracinë dhe drejtësinë. Prandaj reforma në drejtësi është shumë e rëndësishme dhe çështja ime është shumë e rëndësishme për reformën e vërtetë në drejtësi.
