Barcelona pret Osasunën, ndeshje ku kampionët në fuqi të Spanjës kërkojnë me çdo kusht fitoren për të harruar humbjen 3-5 përballë Villarealit.
Takimi nisi keq për vendasit, pasi Ferran Torres pësoi një tërheqje muskulore dhe u detyrua të largohej në minutën e shtatë. Tekniku Xavi e zëvendësoi me Fermin Lopez.
Torres braktisi fushën i përlotur, ndërkohë që tifozët katalanas e duartrokitën për t’i dhënë zemër. Te Barcelona shpresojnë që ky dëmtim të mos jetë i rëndë, por gjithçka do të përcaktohet nga ekzaminimet.
Gjatë këtij sezoni, sulmuesi i majtë ka shënuar 11 gola në të gjithë kompeticionet, teksa numëron edhe katër asiste.
https://twitter.com/i/status/1752756413418635640
