Një argjendari është grabitur gjatë natës së kaluar në Korçë, e cila ndodhet në pedonalen e qytetit.
Burime bëjnë me dije se autorët kanë shkallmuar fillimisht qepenin e dyqanit dhe më pas kanë thyer xhamat e vitrinës, duke u futur brenda. Ata kanë grabitur unaza dhe varëse me vlerë.
E gjithë zona ku ka ndodhur grabitja është me kamera të shumta sigurie, për shkak të bizneseve rreth e rrotull, teksa Policia mësohet se po kqyr pamjet filmike për të bërë të mundur identifikimin e autorit. Po ashtu po merren dhe deklarimet e pronarit të argjendarisë për dëmin e shkaktuar.
Njoftimi:
Në orët e para të mëngjesit të sotëm, një shtetas ende i paidentifikuar ka vjedhur me thyerje disa bizhuteri floriri, në argjendarinë e shtetasit N. F., në pedonalen e qytetit.
Shërbimet e Policisë po këqyrin pamjet filmike dhe po kryejnë të gjitha veprimet e nevojshme hetimore, me qëllim identifikimin dhe kapjen e autorit.
Ndërkaq, një grup i posaçëm hetimor po punon për zbardhjen e rrethanave të rastit.
