Të tjera detaje kanë dalë në dritë nga ngjarja e rëndë që ndodhi në SHBA, ku 32-vjeçarja shqiptare Suela Saliaj u vra nga ish-bashkëshorti i saj Renato Muhaj,
Në lidhje me ngjarjen e rëndë në Florida të SHBA, kanë folur fqinjët e së resë, duke treguar se ishte vajzë shumë e mirë dhe se punonte në bankë.
Një nga banorët e fshatit Ngracan në Mallakastër, ku 32-vjeçarja ka kaluar fëmijërinë, në një prononcim pvr panorama tv, tregon me lot në sy se ishte shoqja e vajzave të saj dhe se ishte tronditur nga lajmi.
Ajo tha se kishin një vit ose dy që ishin ndarë, ndërsa hedh dyshime se shkak mund të jetë bërë kujdestaria e vajzës.
“Jemi ndjerë shumë keq, kam qarë. Vajza ka hedhur dhe foto në Instagram, aty e pashë. Për t’u siguruar mora një shoqen time, sepse nuk e besoja. Kur ka qenë e vogël, luante me vajzat e mia. Janë shoqe dhe sot. Vajza më tha se ishte nja një vit dy kishte hequr foto t që kishte me burrin.
Vetëm e dinte që punonte në bankë, ishte vajzë shumë e mirë, kishte marrë vlerësime të mëdha. Ishte vajzë e mirë shumë. Ai si duket ka dashur të marrë vajzën, nuk e di, puna e tij”, tha zonja.
