Neritan Sejamini thotë se strategjia e Edi Ramës me ndërkombëtarët, është që të bëhet i dobishëm për ta, për interesat e tij personale.
I ftuar në emisionin “Të Paekspozuarit”, Sejamini tha se Rama është i gatshëm t’i bëjë çdo nder ndërkombëtarëve, përfshirë edhe ngritjen e kampeve të refugjatëve, si me rastin e Italisë, për t’i patur ata si aleatë, duke mos kërkaur asgjë në këmbim për Shqipërinë.
“Një nga armët më të forta të mbijetesës politike të zotit Rama, janë marrëdhëniet me të huajt. Një nga arsyet pse ai i ka patur të mira marrëdhëniet, është se ai di ta bëjë veten në dobishëm. Është i gatshëm të bëjë çdo nder për qeveritë perëndimore. Nuk kërkon asgjë si shpërblim, as ndihma, asgjë. Ka aftësi për t’u bërë i dobishëm. Edhe me zonjën Meloni u bë i dobishëm me të, për ta bërë aleate. Interesi i Scholz përshembull, është jetëgjatësia e tij politike. Nëse ai ka premtuar zgjidhjen e emigracionit dhe del një vend që thotë mi sill mua emigrantët, sigurisht ai do ti sjellë. Në fund të ditës, po mund të kemi kampe të tjera. Nëse të huajt do ta mbyllin një sy për të drejtat e refugjatëve dhe ligjin ndërkombëtar. I vetmi rast ku zoti Rama reziston është që kampi të mos ndërtohet, është po u rrezikua ndonjë kullë, se aty ka interes“, tha Sejamini.
