Agjencia e Mbikëqyrës Policore, përmes procesit të vetting-ut në Polici, ka vendosur moskonfirmimin në detyrë të Thodhori Gravanit.
Procesi i seancës dëgjimore u mbajt këtë të premte pa praninë e mediave, pasi AMP nuk kishte njoftuar gazetarët, teksa po ditën e sotme u dha edhe vendimi.
Theodhori Gravani mbante pozicionin e Drejtorit të Drejtorisë së Bashkëpunimit Ndërkombëtar në Departamentin për Marrëdhëniet Ndërkombëtare në Drejtorinë e Përgjithshme të Policisë së Shtetit.
Më 23 janar AMP ka mbajtur seancë dëgjimore edhe për Edmond Rizajn, Drejtor i Drejtorisë së Hetimit, në Departamentin e Policisë Kriminale, pranë Drejtorisë së Përgjithshme të Policisë së Shtetit, ku edhe në këtë rast media nuk është njoftuar.
