Apeli i Gjykatës së Posaçme vendosi të shtyjë për të shtunën shqyrtimin e ankimimit të bërë zyrtarët e akuzuar për shpërdorim detyre në lidhje me procedimin për inceneratorin e Tiranës.
Ish-ministri i Mjedisit Lefter Koka, ish-Drejtori i Punëve Publike në Bashkinë e Tiranës, Taulant Tusha, Namik Simixhiu, Bledar Karoli që ndodhen në arrest me burg, si edhe Alba Thoma, Silena Tola, Sidrita Kopliku dhe Pëllumb Abeshi të cilën ndodhen në arrest shtëpi, kërkojnë masa më të lehta sigurie, me pretendimin se nuk kanë kryer vepër penale.
Të dyshuarit pretendojnë se nuk kanë mundësi të ndërhyjnë e prishin provat, ndërsa nuk ekziston rreziku që ti shmangen hetimit të çështjes. Në lidhje me këtë çështje hetimore, agjentët e Byrosë Kombëtare të Hetimit zbarkuan së fundmi në zyrat e drejtorisë se punëve publike që ndodhen në afërsi të Rrugës së Durrësit ku ushtruan kontroll duke marrë prej andej kompjutera dhe duke sekuestruar dosje të ndryshme. Taulant Tushe njihet si i besuari i kryebashkiakut të Tiranës Erjon Veliaj dhe është zyrtari më i lartë i Bashkisë deri më tani, mbahet në arrest për inceneratorin e Tiranës.
