Një mësuese në një shkollë 9-vjeçare në Elbasan gjendet në telashe pasi dyshohet se ka dhunuar një nxënëse. Policia bën me dije se gjatë një ore mësimi, dyshohet se mësuesja ka gjuajtur me shuplakë një nxënëse. Lidhur me rastin janë referuar materialet procedurale në Prokurori.
“Specialistët për Hetimin e Krimeve të Komisariatit të Policisë Elbasan referuan materialet në Prokurori ku nisi procedimi në gjendje të lirë për shtetaset:
– K. P., 47 vjeçe, mësuese në një shkollë 9-vjeçare, në qytetin e Elbasanit, pasi dyshohet se gjatë orës mësimore, ka gjuajtur me pëllëmbë, një nxënëse.”- njofton policia.
Materialet i kaluan Prokurorisë për veprime të mëtejshme.
